Nunarsuaq tamakkerlugu anguniakkanut iliuuseqarneq

Nunarsuaq tamakkerlugu anguniakkanut iliuuseqarneq tassaavoq perorsaanikkut nutaamik eqeersaaneq, nunarsuaq tamakkerlugu FN-ip anguniagai 17-it tunuliaqutaralugit aammalu nutaaliornikkut ilikkarnartumik  ilinniartitseriaaseqarluni atuartut nunarsuarmik pitsanngorsaaqataatinneqarnerat. Anguniagaasoq tassaavoq, atuartut tamarmik FN-ip nunarsuaq tamakkerlugu anguniagaannik suliaqarneq imminerminnit anginerusoq aqqutigalugu isumalimmik pitsaasumillu sunneeqataaffigalugu ukiumut arlaleriarlutik misigisassaat. Inuttut misigilersitsisarpoq aammalu nutaaliorsinnaanermut suleqateqarsinnaanermut iliuuseqarsinnaanermullu nukittorsaataasoq – ilutigalugu atuartitsinermi ilisimasat sulianut isumalimmik atorneqalertartoq. Atuartut tamarmik akisussaaqataaneq allaanerusumillu iliuuseqaqataaneq misigissavaat.

Nunarsuaq tamakkerlugu anguniakkanut iliuuseqarnikkut, suleqatigiit assigiinngitsut akornanni ineriartortitsinissamut ilinniartitseriaatsinillu nutaanut inissaqartitsilissapput, tassani atuartut ilinniaatigalutik avatangiisiminnut anguniagassanik nutaanik piujuartussanillu aaqqiissutissanik pilersitsillutik. Ilinniartitsisut isumasioqatigiinnermut ataatsimut arlalinnulluunniit peqataassapput, namminnerlu atuartitsinerminnut nukittorsaataasumik nutaaliornikkut ineriartortitsissallutik, atuartut eqeersimaarlutik ilusileeqataaffigalugu peqataaffigisaannik.

Naggataarutigalugu ilinniartitsisunut uppernarsarlugu ilinniartitseriaaserisimasaminnik avitseqateqassapput, taamaalilluni ingerlariaatsip inerisaqqinnissaanut ilinniartitsisut allat aamma atoqqiillutik isumassarsiorfigisinnaassammassuk. Atuartitsinikkut imminut napatissinnaanermik aamma taasarparput, erseqqissarniarlugu piujuartitsineq atuarfimmi isumalluuterpassuarnik allatut iliorniukkut naleqalersitsineq siaruartiterinerlu aamma pineqarmat.

Nunarsuaq tamakkerlugu anguniakkanik iliuuseqarneq imaaginnanngilaq pikkorissarnerusoq. Siunissaq ungasinnerusoq eqqarsaatigalugu atuarfiup ineriartortitsinermik suliaqarneranut, atuartunut isumaqartitsisoq aammalu faginut itisiliinermut ineriartuutaasutut kajumissaatitullu ilapittuutaavoq. Naatsumik oqaatigalugu, atuarfik atuartunit qimakkusunnanngitsoq.

Nunarsuaq tamakkerlugu angunikkat Qallunaat Nunaanni aamma Kalaallit Nunaanni ukiumi atuarfiusumi 2018-19 atuarfinni qulingiluaasuni aallartippoq, aammalu allat ilannguttussaallutik. Neriuppugut illit aamma atuarfiit ingerlatsinermut peqataajumaartusi, aammalu nutaaliornikkut piujuartitsinikkullu illit nammineq atuarfigisannik nukittorsaaqataajumaartutit. Aktion Verdensmål pillugu tusagaqarnerorusukkuit uunga saaffiginnissinnaavutit Nicolai Seest oqarasuaat +45 40 89 89 02 / nicolai@andlearning.com imalt. Suzanne Crawfurd oqarasuaat +45 60 68 05 58 / suzanne@andlearning.com.